CSV.1.7.010 Makwag Gidizhitwaawininaan
Chi-apiitenimaawag makwag. Wiinetawaa awesiinyag izhi-niizhoogaadegaabawiwag anishinaabeng.
Makwa oganawendaanan gidakiiminaan, jiibayaki, miinawaa anishinaaben. Odaa-bagidinigoon awiiya wii-nisaad makwan aniw makwa wedoodeminijin. Nisaad gii-ashangeng da-apiitenimaawaad a'aw makwa miinawaa makwa wedoodemijig.
Gii-aabidizi a'aw makwa akina. Gaawiin gegoo ogii-nishiwanaajitoonaawaan: miijim aawan owiiyaas, owiinowin miinawaa odoonagizhiin gii-inaabadadoon da-mashkiikiikeng miinawaa da-omoodayikeng, miinawaa makozidan gii-inaabadadoon midewigaaning.
Makwa wedoodemijig wiinetawaa gii-pagidinaawag da-aabajitoowaad makwa owiiyawini wiiyaas aawanzinook. Oshtigwaanigegan gii-achigaade makomiikanaang Waabanong inaasamising. Inendaagwad yo'ow keyaa wii-izhi-oshki-bimaadizid a'aw makwa.